Category
UMASIPALA iNdwedwe ophikweni iSocial Cohesion nehhovisi likaSomlomo basohambweni lwamawadi la benikela khona ngama-wheelchair kwababuthaka (vulnerable) okungabadala nabantwana.
Echaza ngaphambi kohambo, uSomlomo womkhandlu uCllr Khonza Ngidi uthe emihlanganweni eyaye ibekhona bekulokhu kuvela ukuthi ababuthaka bacela ukulekelelwa ngezidingo zabo ezingenza impilo ibelula, nokuyikho athe kuholele ekutheni umkhandlu uqale ngalokhu okuncane okwamanje.
Baqale ekuseni
Bahambele eMission, ward 18, kwaMdladla, badlulela kwaZuma, ward 15, ngaseMzokhulayo, nakwaMkhize eNtaphuka ward 13, eNtaphuka, baya nakwaThwala KwaBhanoyi eward 14.
Nakusasa bazohambela amanye futhi amawadi. Bekukhona yena uSomlomo, wuDeputy Mayor uNkk Zandile Siwetu-Thoolsi, amakhansela, abasebenzi bomphakathi namavolontiya kanye nabe-civil society njengeDisability Forum.
USomlomo ugcizelele ukuthi bazoqaphela yonke imiqathango yeCovid19 ukuze baphephe kanye nalaba abasuke beyobanikelela.
